11 A Biblia A Di Belkais

A Biblia a di belkais

El kirir a rokuil chad

Me bol muchais er ker me ker

Leng mui era ilteet el diak locheraol

Chorus

A tekoi ra Dios, chomekllomes

A bek el milkolk el chaidireng

Ma rokuil merael ngara ilkolk

Bo lodengelii a rael ‘l mora llomes

Meketeklii a soal a Dios

Loba dmolech el bltikerreng

Losiik er tirkel dirk urriid

E lolsobel er tir era beluulechad

Ai ikel lobraod el chaidireng

Ma ikel chiuosech el mereberebet

A sebechel lmuut era smechel

A lobult el mora Rubak

202 A Llomes Ra Blil a Dios

A llomes ra blil a Dios a di kmard el mo cherechar

E ngdi Dios a mla oterkokl er kid

El kired el llomes el morar chad

Chorus

Mkilungii a kerdel olbdelem

E momekllomes ra daob

Le te ngarngii ar chad el rosngung

Meng kirem loltekerekl er tir

A chedesaoch a merael ‘l mo klou

Ma ilkolk a meremang

Me tir ‘l chad ‘l ngara meringel daob

A olengit a llomes ra beluu

Muklemesii a rolir a rudam er kau el dirk urriid

Te melasem el mora cholkerodel

Me tousbech ra cholbdelem

205 Ak Mesiou Ra Ngar 'l Osobel

Ak mesiou ra ngar Losobel el ngar er chelechal taem

Ma lomtok er tial tekoi e ngdi kmal klemerang 

Kumes ra chimal el kokerngak ma ngerel a cholodak

Me sel kuusbech a ngesou eng kmeed er ngak

Chorus

Ng di ngar, ng di ngar, a Jesus Kristus a ngar 

Me ngobengkek er chomerolek el mengedecheduch er ngak

Ng di ngar, ng di ngar, choi, Jesus a di ngar! 

Koker el kmo, “mekera ng di ngar? 

Ngii a ngar el ngara renguk!

Kumes ra bltikerreng er Ngii el meliuekl er ngak

Misei a uchul ma kuutekangel a bek el omengarm

A Jesus choitikikak er tial beluulechad

Me sel sils el luut el mei a di kmedang

Kemiul chedal a Kristus, bo ldeu a rengmiu

Bo mongitakl odanges er ngiil Osobeliu

Momerk el morar ririid a klebokel el chisel

Leng diak a uaia Jesus el Rubak ‘r kid

A Jesus Kristus A Rubak

A Jesus Kristus a Rubak

El merredel a rokui

Ma kuldanges er Ngii

Loba renguk el rokir

A eanged a mo obkais

Me ngmo chemolt a klebkellel

Ma rokui el chad a mo mesang

Ma rokui el ngor a mo melekoi

 El kmo, Jesus Kristus a King

El ngarbab a Ngklel

Ma rokui el chad a mo outuberuach

Er medal e mengull er Ngii

264 Moumerang Er Ngii

Bo moumerang ele ngii a kididai

Lako medakd le ngobengkem e mo ngosukau

Lako medakd le ngii a Rubak ra cherechar

Klekerengem e cheuotelem le ngii a chubechub

[CHORUS]

Moumerang er ngii

E bo modengesii

Moumerang er ngii

Moumerang le ngii Osobel

A klechubechub er ngii a obengked

Ma telbilel le bilskid a diak a ullebengelel

Bo dongull er ngii e dolab a tikingel

Me bo dengai omeksuled ra Rubak er kid

Bo dulserchakl loumerang ra bekl sils

Me bol ngesukid ra rokui el chelitechetud

Bode dechor el mesisiich e dodengesii

Ngomeskid a meral klengar bo ldeu a rengud

51 Ngarker A Tokoro Ra Jesus

Ngarker a tokoro ra Jesus

Ngii a mlad ra kerus ‘l kirem

Chelechang ngmelngod ra rengum

Ngsoam el kongei er ngii

[CHORUS]

Ng Jesus a mengiil ‘l soiseb

Bo morrenges ra ngerel

Mnguu a chesmerel a rengum

Moleker er Ngii ‘l me tmuu

Altang a rengum a meseked

‘l mui ra bek el chelsengum

Ngdiak a tokoro ‘l medechel

El kirel Chosobelem

Chelechang bo bsang a Jesus

Rokuil taem ma duch er kau

Nguemed a techall ra grazia

Keleng kau a mo remiid

NATIONAL ANTHEM – BELAU REKID

Composed by Ymesei O. Ezekiel

BELAU LOBA KLISIICH ER A KELULUL, EL DI MLA NGARNGII RA RECHUODEL MEI, ME NG MENGELUOLU ER A CHIMOL BELUU, EL NGAR EUNGEL A RIRCH LOMEKESANG.

BO DOLEKETEK A KERRUUL ERA BELUAD, LOLAB A BLAK EL RENG MA DUCH EL RENG, BELAU A CHOTIL A KLENGAR REKID, ME BO DORRURT A BEDUL MSA KLISICHEL.

BO DEKAIUEREKED CHIM LOKIU A RENG, E DONGEDMOKL RA DI MLA KOTED, LOMECHELIU A RENGEDEL MA KLEBKELLEL, LOKIU A BUDECH MA BELTIK EL RENG.

DIOS MOMEKNGELTENGAT RA BELULAM, EL DI MLA DIKESAM RA RECHUODEL MEI, BESKEMAM A KLISICHAM MA LLEMELTAM, LORRURT A KLUNGIOLAM EL MO CHERECHAR.