Wednesday, August 22, 2018

Ng Dimlak Kudengei 'l Kmo Ngak Ousbech A Ngesou


Rubak, ‘m ngesukak
mobengkek ra omerollek
ngdiak el sebechek el rolii ‘l di ngak el tang   
Rubak, ng blekeklek omoungerachel ra bek el sils
ak medengei ‘lkmo ngdiak el sebechek el di ngak el tang

CHORUS    
Ng dimlak kudengei 'l kmo ngak ousbech a ngesou
Kulemdasu el kmo~ngsebechek el di ngak el tang
Ak mle cheleuid me mousubes er ngak
Ngelsengesek ma kmei ra medam e olengit el kmo "mngesukak"

Rubak, modersii 
chedaol chimam el mei ra bebuk
leng soak lomelechesiu ra ngelseuim
Ngsoak el mo mimokl ra ikal rokui’l meringel er ngak
Leng soak el mo soiseb ra rengedem

Tiakid a ungil rolel 
eng mo kebekakl a chelngelek
ak kongei losirs er Kau me moungerachel
Mngesukak el odars a ikal rokui’l chelitechetuk
Ngdiak el sebechel ngosukak a di kulab

Ng Mocha Telal Klebesei?


Ngmocha telal klebesei ser omouchais ra Rubak 
a rokui’l berraod el ngara rengum?   
Ngmla mo uangeral klteket er ser cho moluluuch 
‘l tal kesus ‘l ngar medal a Rubak?

Ngmla mo telal klebesei ra le chelellakl a rengum 
el medengei ‘l kmo Rubak a kmeed er kau?   
Kau ng sebechem lomekedong er Ngii ’l kmo ng sechelim?  
Ke medengei ’l kmo ngomekerreu er kau?

Ngmocha telal klebesei er sei er omsal ungil medengei 
‘l kmo Rubak a onger a nglunguchem? 
Ngmla mo uangeral klteket ra longer er kau 
e longkar er kau el tal kesus?

Ngmla mo telal klebesei er obekiis ra tutau 
e lungil a rengum era beches el sils?  
 Leng sebechem el lomekedong er Ngii’l kmo ng sechelim 
e medengei ’l kmo ng omekerreu er kau

Tag:

Leng sebechem el lomekedong er Ngii’l kmo ng sechelim 
e medengei ’l kmo ng omekerreu er kau

Oi! ng sebechem lomekedong er Ngii ’l kmo ng sechelim 
e medengei ’l kmo ng omekerreu er kau

259 Ngar Sel Kmal Cheroid El Bukl


Ngar sel kmal cheroid el bukl 
E ngarngii a mechut el kerus 
E lolengchelel a ringel ma rur
Me ngkmal diak kubes er ngii     
Leng mlar ngii a Jesus 
E mlad el  mlo mtechei er ngak

Chorus
Ngkmal betik a renguk er ngii el kerus
Ma kmelatk er ngii ra bek’l sils
Ma kubang el kmal diak bo kchitii 
El mo lmuut er sel knguu a krone

Choi, tial kmal mechut el kerus 
El mluketui ra belulechad 
A kmal lolchaumad el mer ngak
Le ngelekel a Dios 
A chiloit a klebkellel 
E mlei ‘lmo mad ra Golgatha

Ngar itial mechut el kerus 
El chelsbereber ra rasech 
El mengasireng a klebekellel  
 Le Jesus a mlo chuarm   
E mlad el ngar ngii ‘l kerus  
 El ngilai a kngtik el choroid

Mo ri tial mechut el kerus   
Ak kmal mo bekelatk   
Mak mo chemol a rokui lotubel   
El mo lmuut er sel le mei  
 El ngoikak el mo remei 
E mo ngmai a klebkellel meskak